Instituti për Gratë, Paqen dhe Sigurinë i Fondacionit Jahjaga (JWPSI) është themeluar me qëllim të avancimit të agjendës për Gratë, Paqen dhe Sigurinë (GPS) përmes kërkimit, avokimit dhe ndërtimit të kapaciteteve. Gjatë vitit 2024, JWPSI ka punuar për të bërë ndikime të rëndësishme në promovimin e rolit të grave në ndërtimin e paqes dhe sigurisë.

  • Zhvillimi i Kapaciteteve Hulumtuese

    • Publikimi i dy punimeve të reja kërkimore përmes WPS Knowledge HUB, duke ofruar njohuri të bazuara në dëshmi për të mbështetur avokimin politik dhe angazhimin e komunitetit. Vazhdimi i ngritjes së kapaciteteve kërkimore me ndihmën e një ekipi të përkushtuar, përfshirë dy hulumtues dhe një Shef të Kërkimeve.
  • Ndërtimi i Kapaciteteve dhe Edukimi

    • Realizimi i një punëtorie gjithëpërfshirëse mbi GPS, duke përfshirë 10 gra në trajnim të synuar dhe dialog për të forcuar aftësitë e tyre udhëheqëse në kontekstin e paqes dhe sigurisë.
    • Finalizimi dhe lansimi i një kursi të ri e-learning mbi GPS, duke zgjeruar qasjen në burime për lidere dhe avokate gra.

  • Forcimi i Avokimit dhe Bashkëpunimit Ndërkombëtar

    • Publikimi i një edicioni të revistës ZA, të fokusuar në agjendën GPS, duke sjellë rrëfime fuqizuese nga 19 gra lidere dhe një mesazh të veçantë nga Lartmadhëria e Saj Maria Teresa, Dukesha e Madhe e Luksemburgut.
    • Lansimi i podcast-it për GPS, që ndriçon përvojat e grave që ishin në vijat e para gjatë luftës në Kosovë dhe kontributin e tyre të vazhdueshëm në zhvillimin institucional.

Njoftime

Njoftimet më të fundit lidhur me këtë projekt