Projekti: Promovimi i angazhimit qytetar, sigurisë publike dhe fuqizimit të grave për një sektor sigurie rezilient në Kosovë Zbatues: Fondacioni Jahjaga Lokacioni: Kosova (institucionet qendrore dhe komunat veriore: Mitrovica e Veriut, Leposaviq, Zubin Potok dhe Zveçan) Kohëzgjatja e angazhimit: 6–8 javë
- Sfondi
Rrjeti i Grave në Siguri në Kosovë (KWSN) është një iniciativë strategjike e Fondacionit Jahjaga që ka për qëllim fuqizimin e grave që punojnë në sektorin e sigurisë, rritjen e pjesëmarrjes së tyre në vendimmarrje dhe forcimin e lidershipit të tyre profesional. Nëpërmjet krijimit të një platforme të qëndrueshme për avokim, mentorim dhe bashkëpunim ndërinstitucional, KWSN do të kontribuojë në ndërtimin e institucioneve më gjithëpërfshirëse dhe në avancimin e politikave të ndjeshme ndaj barazisë gjinore.
Rrjeti do të përfshijë gra nga institucionet kryesore të sigurisë, si dhe gra nga komunitetet e nënpërfaqësuara – veçanërisht ato nga komuniteti serb në veri të vendit. Po ashtu, KWSN do të mbështesë avokimin e bazuar në fakte përmes hulumtimeve dhe analizave politike, duke mundësuar dialog të vazhdueshëm ndërmjet profesionisteve dhe përfaqësuesve të institucioneve të sigurisë.
Për të ndërtuar këtë bazë, do të realizohet një studim bazë (baseline study), i cili do të ofrojë të dhëna dhe analiza empirike që do të shërbejnë për planifikimin, zbatimin dhe monitorimin e vazhdueshëm të aktiviteteve të KWSN.
- Qëllimi i Studimit Bazë
Studimi bazë do të ketë për qëllim:
- Të vlerësojë nivelin aktual të përfaqësimit dhe lidershipit të grave në institucionet e sigurisë në Kosovë;
- Të identifikojë pengesat strukturore, institucionale dhe shoqërore që kufizojnë përfshirjen e grave;
- Të shqyrtojë mundësitë për mentorim, zhvillim profesional dhe ndikim në hartimin e politikave;
- Të sigurojë të dhëna të vlefshme për orientimin e kornizës operacionale të KWSN dhe programeve të saj të ardhshme;
- Të japë rekomandime konkrete për rritjen e pjesëmarrjes së grave nga komuniteti serb në veri të Kosovës.
- Fusha e Punës
Eksperti i angazhuar do të jetë përgjegjës për realizimin e aktiviteteve të mëposhtme:
A. Hartimi i dizajnit kërkimor dhe metodologjisë
- Zhvillimi i një metodologjie të kombinuar që përfshin qasje cilësore dhe sasiore;
- Sigurimi i përfaqësimit të grave nga institucionet e sigurisë në nivel qendror dhe lokal, si dhe nga komunitetet serbe në komunat veriore.
B. Mbledhja e të dhënave
- Intervista të thelluara: Realizimi i të paktën 10 intervistave me profesioniste dhe përfaqësuese nga Policia e Kosovës, Inspektorati Policor, Forca e Sigurisë së Kosovës dhe Shërbimi Korrektues;
- Anketa online: Deri në 60 pjesëmarrëse nga institucionet qendrore dhe lokale të sigurisë, për të mbledhur informacione mbi përvojat, perceptimet dhe zhvillimin në karrierë;
- Grup-diskutime: Organizimi i focus grupeve me gra nga komuniteti serb në komunat veriore (Mitrovicë e Veriut, Leposaviq, Zubin Potok dhe Zveçan), për të identifikuar shqetësimet lokale dhe barrierat për përfshirje;
- Rishikim dokumentar: Analiza e legjislacionit përkatës, politikave institucionale, raporteve ekzistuese dhe praktikave të mira nga rajoni.
C. Analizimi i të dhënave
- Analizë cilësore: Identifikimi i modeleve, barrierave dhe mundësive për avancimin e grave në institucionet e sigurisë përmes analizës tematike;
- Analizë sasiore: Përdorimi i metodave statistikore për të evidentuar trendet dhe lidhjet ndërmjet faktorëve që ndikojnë në përfaqësimin gjinor.
- Dorëzimet e Pritshme
- Raportin fillestar (Inception Report) që përfshin metodologjinë, planin e punës dhe instrumentet e kërkimit;
- Të dhënat e mbledhura nga terreni, përfshirë rezultatet e intervistave, anketave dhe grup-diskutimeve;
- Raportin paraprak (Draft Baseline Report) me gjetjet fillestare dhe rekomandimet e para;
- Raportin përfundimtar (Final Baseline Report) që reflekton komentet dhe sugjerimet e Fondacionit Jahjaga. Struktura e raportit përfundimtar:
- Titulli i raportit
- Tabela e përmbajtjes
- Përmbledhjen ekzekutive / gjetjet kryesore (400–700 fjalë)
- Analizën e kontekstit (1,500 fjalë)
- Sfidat dhe sukseset, përfshirë alternativat e propozuara (2,000 fjalë)
- Rekomandimet (700 fjalë)
- Referenca dhe burime (intervista, anketa, analiza dokumentare)
Të gjitha citimet duhet të paraqiten në fund të raportit (endnotes), ndërsa shënimet poshtëfaqe të përdoren vetëm për sqarime shtesë. Raporti final nuk duhet të tejkalojë 4,500 fjalë.
- Afatet Kohore dhe Faza Kryesore
| Faza | Dorëzimi | Afati |
| Java 1–2 | Raporti fillestar me metodologjinë dhe planin e punës | Deri në fund të javës së 2-të |
| Java 3-5 | Përfundimi i mbledhjes së të dhënave në terren | Deri në fund të javës së 5-të |
| Java 6 | Dorëzimi i raportit paraprak | Për rishikim nga Fondacioni Jahjaga |
| Java 7-8 | Dorëzimi i raportit final | Me komentet e integruara |
- Kualifikimet dhe Eksperienca
- Diplomë universitare në Shkenca të Sigurisë, Shkenca Politike, të Drejtë, Politika Publike, Shkenca Shoqërore ose fusha të afërta;
- Së paku pesë (5) vite përvojë profesionale në realizimin e hulumtimeve, analizave politike dhe përgatitjen e raporteve analitike;
- Aftësi të dëshmuara në analizë kritike, shkrim të qartë dhe bashkëpunim ndërinstitucional;
- Njohuri të mira mbi institucionet e sigurisë në Kosovë, politikat gjinore dhe dinamika ndër-etnike (përparësi);
- Njohje shumë e mirë e gjuhës angleze (e detyrueshme); njohja e shqipes dhe/ose serbishtes konsiderohet përparësi.
- Raportimi dhe Mbikëqyrja
- Eksperti do të raportojë drejtpërdrejt te Menaxheri i Projektit në Fondacionin Jahjaga;
- Do të punojë ngushtë me stafin e projektit për të siguruar qasje te aktorët institucionalë dhe mbështetje logjistike e kërkimore;
- Do të dorëzojë raporte të rregullta mbi progresin dhe rezultatet e arritura, në përputhje me objektivat e përcaktuara të projektit.
- Procesi i aplikimit
Të gjithë kandidatët e interesuar ftohen të dorëzojnë dokumentet e kërkuara në adresën contact@jahjagafoundation.org më së voni deri më 19 tetor 2025 (ora 23:59), me titullin e emailit: “Aplikim – Ekspert për Studimin Bazë KWSN”
Aplikimi duhet të përmbajë:
- Një CV të detajuar, që përmbledh përvojën përkatëse profesionale;
- Një propozim teknik, që përfshin qasjen metodologjike, planin e punës dhe afatet kohore;
- Një propozim financiar (në euro, pa përfshirë TVSH-në).
Shënim:
Ky aktivitet zhvillohet në kuadër të projektit të financuar nga Mbretëria e Holandës përmes Fondit MATRA dhe Fondit për të Drejtat e Njeriut, i zbatuar nga Fondacioni Jahjaga në partneritet me BIRN Kosovo, ACDC dhe PREVENT Institute.
Përmbajtja e kësaj thirrjeje është përgjegjësi e vetme e Fondacionit Jahjaga dhe nuk pasqyron domosdoshmërisht qëndrimet e Qeverisë së Holandës.
Metodologjia e Hulumtimit
HYRJE
Rrjeti i Grave në Siguri në Kosovë (KWSN), i udhëhequr nga Fondacioni Jahjaga, përfaqëson një iniciativë strategjike për të promovuar barazinë gjinore, zhvillimin profesional dhe reformën institucionale brenda sektorit të sigurisë në Kosovë. Nëpërmjet krijimit të një platforme të qëndrueshme për avokim, mentorim dhe bashkëpunim profesional, rrjeti synon të forcojë përfaqësimin, udhëheqjen dhe ndikimin e grave në institucionet kyçe të sigurisë në nivel kombëtar.
Studimi bazë do të sigurojë të dhëna dhe analiza të bazuara në prova, të cilat do të ndihmojnë në hartimin e kornizës operacionale të KWSN, udhëzimin e programeve të mentorimit dhe mbështetjen e aktiviteteve të avokimit. Ky studim do të përqendrohet në gratë që punojnë në institucionet kryesore të sigurisë, si dhe në gratë nga komunitetet e nënpërfaqësuara, me theks të veçantë tek gratë e komunitetit serb në komunat veriore të Kosovës.
Ky hulumtim është thelbësor për të siguruar që ndërhyrjet e KWSN të jenë të orientuara, me ndikim të matshëm dhe në përputhje me objektivat e përgjithshme të qëndrueshmërisë institucionale, qeverisjes gjithëpërfshirëse dhe forcimit të sigurisë në nivel komunitar.
DIZAJNI I HULUMTIMIT
Hulumtimi do të përdorë një qas̈je të kombinuar metodologjike, duke integruar metoda cilësore dhe sasiore për mbledhjen dhe analizimin e të dhënave. Kjo qasje do të mundësojë një kuptim të plotë të barrierave, mundësive dhe dinamikave institucionale që ndikojnë në përfaqësimin dhe zhvillimin profesional të grave në sektorin e sigurisë në Kosovë.
Metodat e Mbledhjes së të Dhënave
Intervista të thelluara
- Do të realizohen 10 intervista të thelluara me profesioniste dhe vendimmarrëse nga Policia e Kosovës, Inspektorati Policor, Forca e Sigurisë së Kosovës dhe Shërbimi Korrektues i Kosovës.
- Intervistat do të fokusohen në perceptimet e pjesëmarrëseve mbi barrierat institucionale, mundësitë për avancim në karrierë, mentorimin profesional dhe rolin e grave në hartimin e politikave të sigurisë.
Anketë online
- Një anketë elektronike do të shpërndahet për deri në 60 gra që punojnë në institucionet e sigurisë në nivel qendror dhe lokal.
- Anketa do të vlerësojë përvojat profesionale të pjesëmarrëseve, perceptimet për integrimin gjinor, qasjen në mbështetje institucionale dhe përfshirjen në proceset e vendimmarrjes.
Grup-diskutime (Focus Groups)
- Do të organizohen grupe të strukturuara diskutimi me gra nga komuniteti serb në komunat veriore (Mitrovicë e Veriut, Leposaviq, Zubin Potok dhe Zveçan).
- Diskutimet do të adresojnë shqetësimet lokale të sigurisë, pengesat për qasje në institucione dhe rrugët e mundshme për përfshirje më të madhe të grave në sektorin e sigurisë.
Rishikim dokumentar (Desk Review)
- Do të bëhet një analizë gjithëpërfshirëse e politikave, legjislacionit, raporteve institucionale dhe të dhënave statistikore mbi pjesëmarrjen e grave në sektorin e sigurisë në Kosovë.
- Po ashtu, do të shqyrtohen praktikat më të mira dhe studimet rajonale për të ofruar krahasime dhe mësime të vlefshme që do të ndihmojnë në forcimin e ndërhyrjeve të KWSN.
Analiza e të Dhënave
Analiza cilësore
- Të dhënat e mbledhura nga intervistat dhe grup-diskutimet do të transkriptohen dhe analizohen përmes analizës tematike.
- Kjo metodë do të identifikojë temat që përsëriten, barrierat institucionale dhe kulturore, si dhe mundësitë për rritjen e përfshirjes së grave në institucionet e sigurisë.
Analiza sasiore
- Të dhënat e anketës do të analizohen duke përdorur metoda statistikore përshkruese dhe inferenciale, për të evidentuar trendet, lidhjet dhe modelet që ndihmojnë në interpretimin e rezultateve.
- Rezultatet do të ofrojnë një pasqyrë të gjerë mbi përfaqësimin e grave në institucionet e sigurisë dhe do të ndihmojnë në përcaktimin e ndërhyrjeve të synuara të projektit.
Pyetjet Kryesore të Hulumtimit
Studimi do të fokusohet në përgjigjen e pyetjeve të mëposhtme:
- Cili është niveli aktual i pjesëmarrjes dhe lidershipit të grave në sektorin e sigurisë në Kosovë? security sector in Kosovo?
- Cilat janë pengesat strukturore, institucionale dhe kulturore që kufizojnë përfshirjen e grave në këtë sektor?
- Çfarë mundësish ekzistojnë për mentorim, zhvillim profesional dhe avancim në karrierë për gratë në institucionet e sigurisë?
- Si mund të mbështesë KWSN përfshirjen e grave dhe ndikimin e tyre në reformimin e politikave të sigurisë?
- Cilat janë ndërhyrjet më të përshtatshme për të rritur pjesëmarrjen dhe përfaqësimin e grave nga komuniteti serb në komunat veriore?
Gjatësia dhe Struktura e Raportit Final
Raporti përfundimtar duhet të jetë i qartë, konciz dhe të mos e tejkalojë kufirin prej 4,500 fjalësh. Struktura e tij duhet të përfshijë:
- Titulli i raportit
- Tabela e përmbajtjes
- Përmbledhjen ekzekutive / gjetjet kryesore (400–700 fjalë)
- Analizën e kontekstit (1,500 fjalë)
- Sfidat dhe sukseset, përfshirë alternativat e propozuara (2,000 fjalë)
- Rekomandimet (700 fjalë)
- Referencat (lista e intervistave, përgjigjeve të anketës dhe burimeve të përdorura gjatë kërkimit)
Të gjitha burimet duhet të citohen si shënime fundore (endnotes), ndërsa shënimet poshtëfaqe (footnotes) mund të përdoren vetëm për sqarime shtesë.