Investim në Pavarësinë Ekonomike të Grave

Jemi krenarë që mbështesim të drejtat dhe fuqizimin ekonomik të grave përmes filantropisë me ndikim në komunitet. Në bashkëpunim me Fondacionin Jahjaga, modelja dhe filantropja Heidi Lushtaku dhuroi nga 10,000 € për Qendrën për Promovimin e të Drejtave të Grave në Drenas dhe për organizatën Medica Gjakova—duke përforcuar kapacitetin e tyre për të ndihmuar gratë në të gjithë Kosovën. Gjithashtu, modelja dhe aktivistja Emina Çunmulaj, përmes fondacionit të saj Emina’s Hand dhe me mbështetjen e Fondacionit Jahjaga, ofroi ndihmë të drejtpërdrejtë financiare për një grup të përzgjedhur grash nga këto organizata, me qëllim që të zhvillojnë aktivitete ekonomike të qëndrueshme dhe të përmirësojnë jetesën e tyre.